SFR hús á Spáni

SFR festi nýlega kaup á húsi á Spáni fyrir félagsmenn sína. Húsið er fimm herbergja parhús sem rúmar allt að 10 manns í gistingu. Það er staðsett í tólf húsa þyrpingu á Torrevieja svæðinu nálægt stöndinni í um hálftíma akstursfjarlægðar frá flugvellinum í Alicante. Sundlaug og fallegt útisvæði tilheyrir húsaþyrpingunni og stutt er í fjölbreyttar verslanir, markaði og veitingastaði í Torrevieja. Ekki er heldur langt í golfvöllinn og aðra afþreyingu.

Verið er að ganga frá húsinu og útleiguverð fyrir vikuna ekki komin á hreint en vonast er til að hægt verði að auglýsa húsið til útleigu og opna fyrir bókanir á vefnum um eða eftir miðjan júní. Það er gaman að segja frá því að félagar okkar í Starfsmannafélagi Reykjavíkurborgar keypti einnig eign á svipuðum slóðum og voru samningar undirritaðir á sama tíma. Við erum afar stolt af þessari viðbót í orlofsmálum og hvetjum félagsmenn til þess að fylgjast með þegar hún fer í útleigu.