Notalegur aðventulestur

Það var notaleg stundin á aðventukvöldi félagsins í gærkvöldi. Þar lásu upp úr nýjum bókum sínum þau Ármann Jakobsson og Sólveig Pálsdóttir sem lásu stutta kafla úr nýjum spennusögum og Sæunn Kjartansdóttir sem las upp úr afar áhugaverðri og sérstæðri sögu sem hún ritaði um móður sína. Þá sungu stúlkurnar úr Lyriku nokkur jólalög á sinn einstaka hátt. Kvöldið var vel heppnað, heita súkkulaðið rann ljúflega niður og upplesturinn  var spennandi.