Sameyki leitar að verkefnastjóra sjóða

Sameyki leitar að kröftugri manneskju sem er tilbúin að taka þátt í uppbyggingarstarfi hjá stærsta stéttarfélagi opinberra starfsmanna á Íslandi. Starfið snýr m.a. að afgreiðslu umsókna í sjúkra- og styrktarsjóð félagsins og tilheyrir félagsdeild. Deildin er í framlínuþjónustu við félagsmenn og er oft fyrsta snerting þeirra í heimsóknum, símhringingum og netsamskiptum. Unnið er í teymi í þjónustudeild þó starfsmenn hennar sinni auk þess tilteknum verkefnum þvert á deildir.

Helstu verkefni og ábyrgð
• Utanumhald umsókna, útreikninga og greiðsla vegna styrkja úr styrktar- og sjúkrasjóði
• Greining og vinnsla tölfræðilegra gagna
• Almenn afgreiðsla, svörun fyrirspurna og önnur almenn þjónusta við félagsmenn

Menntunar og hæfniskröfur
• Framhaldsskólanám, fagnám á sviði skrifstofu- eða viðskiptabrautar og/eða mikil reynsla og þekking sem nýtist í starfinu
• Reynsla af starfsemi stéttarfélaga og þekking á vinnumarkaðsmálum
• Góð almenn tölvukunnátta
• Reynsla af vinnu við gagnagrunna og framsetningu gagna
• Góð íslensku- og enskukunnátta
• Frumkvæði og sjálfstæði í starfi
• Framúrskarandi samskiptahæfni

Sameyki stéttarfélag í almannaþjónustu er stærsta stéttarfélagið á opinberum vinnumarkaði. Félagið þjónar rúmlega 12500 félagsfólki um land allt. Hjá félaginu starfar jákvætt starfsfólk með mikla þekkingu og reynslu. Á skrifstofu félagsins starfa 20 starfsmenn.

Umsóknarfrestur er til 2. maí nk. Um er að ræða fullt starf.

Nánari upplýsingar veita Gunnsteinn R. Ómarsson, skrifstofustjóri á netfangið gunnsteinn@sameyki.is og Jakobína Þórðardóttir, deildarstjóri félagsdeildar á netfangið jakobina@sameyki.is.