Húsnæðislán er ekki neyslulán

Þórarinn Eyfjörð segir í grein á Kjarnanum að einn mik­il­væg­asti þátt­ur­inn í kröfum verka­lýðs­hreyf­ing­ar­innar um launa­hækk­anir byggi á því að launa­fólk verði að geta greitt afborg­anir af hækk­andi hús­næð­is­lánum sínum án þess að missa fót­anna. Þá gagnrýnir hann harðlega stýrivaxtahækkanir Seðlabanka Íslands og þær afleiðingar sem hækkun stýrivaxta hafa á samfélagið.

„Launa­fólk á Íslandi neyð­ist til að taka gríð­ar­lega há lán til að fjár­magna hús­næð­is­kaup sem rík­is­stjórn Íslands og Seðla­banki Íslands eru ábyrg fyr­ir. Í raun leggja þau blessun yfir og tryggja, að fast­eigna­verð hækki svo gríð­ar­lega eins og raun ber vitni sem bitnar verst á ungum fjöl­skyldum á vinnu­mark­aði. Einn mik­il­væg­asti þátt­ur­inn í kröfum verka­lýðs­hreyf­ing­ar­innar um launa­hækk­anir byggir á því að launa­fólk verður að geta greitt afborg­anir af hækk­andi hús­næð­is­lánum sínum án þess að missa fót­anna. En ástæðan fyrir hækk­andi afborg­unum er óstögu­leiki í efna­hags­málum og skertur kaup­mátt­ur. Fyrir þeim óstöð­ug­leika eru stjórn­völd og Seðla­banki Íslands ábyrg.“

Þá segir Þórarinn að það þurfi að taka húsnæðislán húsnæðislán út úr neysluvísitölunni.

„Vísitala neysluverðs mælir breytingar á verðlagi einkaneyslu. Hagstofa Íslands mælir vísitölu neysluverðs mánaðarlega en þá er verð allra vara og þjónustu sem tilheyra neyslukörfunni kannað og inni í neysluvísitölunni eru húsnæðislán almennings. Húsnæðislán eru ekki neysla. Þá er einnig augljóst að stjórnvöld hafa tekið meðvitaða ákvörðun um að færa frekar fjármuni til tekjuhæstu íbúðareigenda en að styðja við tekjulægri og yngri íbúðareigendur. Aðferðin er meðvituð um að færa framtíðarskatttekjur til þeirra sem hafa hærri tekjur og með því er ungu fólki og þeim sem eru á lægri launum, sem er að reyna að koma sér þaki yfir höfuðið, gert erfiðara fyrir.“

Pistillinn birtist á Kjarnanum.