Merki Sameykis á smærri skjá

Grettisgötu 89
105 Reykjavik
Ísland

525-840
sameyki@sameyki.is
6202690-3449

Stytting vinnuvikunnar - námsstofur - vaktavinna

Vinnustofur vegna styttingu vaktavinnunnar verða boðaðar sérstaklega en markmiðið með þeim er að gera trúnaðarmenn sem vinna í vaktavinnu hæfari í að takast á við það verkefni að stytta vinnuvikuna. Einnig að auka skilning trúnaðarmanna á nýjum launahvötum og mikilvægi jafnrar dreifingar vinnutíma og álags í nýju vaktakerfi. Gert er ráð fyrir að námsstofa fari fram á Teams eða Zoom fundi. Fyrir námsstofu verða þátttakendur að senda inn vaktaskipulagið sem þeir vinna eftir. 

Dagskrá námsstofu um Styttingu vinnuvikunnar í vaktavinnu:

  • Fylgiskjal II og undirbúningsvinnan
  • Kerfisbreytingar sem taka gildi 1. maí 2021
  • Í nýju launamyndunarkerfi
    Hlé
  • Vaktakerfið mitt – hópavinna
  • Dæmi um breytingar
  • Spurningar og samantekt

Forkröfur fyrir námskeið: Áður en trúnaðarmaður mætir á námsstofu þarf hann að fara inna á www.betrivinnutimi.is og setja eigin vaktarúllu hér inn í vaktareikni. Ef upp koma vandræði eða spurningar vakna á trúnaðarmaður að nota tækifærið og safna þeim saman og nýta sem fyrirspurnir inn á námsstofuna. Með slíkum undirbúningi næst mun meiri skilningur og árangur á efni námsstofunnar. Athugið að það getur verið aukinn styrkur að blanda samstarfsfólki og/eða stjórnendum inn í þessa innsetningaræfingu þannig að fleiri fyrirspurnir og/eða meiri skilningur komi út úr æfingunni.

Tímasetningar á námsstofum: 

  • Fim. 21. janúar kl. 9-11
  • Mán. 25. janúar kl. 14-16
  • Mið. 27. janúar kl. 9-11
  • Þri. 2. febrúar kl. 10-12
  • Fim. 4. febrúar kl. 13-15

Stytting vinnuvikunnar - námsstofur - dagvinna

Sameyki boðaði trúnaðarmenn sína á námsstofur á haustönn 2020 til þess að styrkja þá í hlutverki sínu til að taka þátt í og eða standa vörð um þá vinnu sem var framundan á vinnustöðum í styttingu vinnuvikunnar. Trúnaðarmönnum var skipt upp eftir eðli vinnustaða og boðaðir sérstaklega í tölvupósti. Búið er að halda vinnustofur vegna styttingu dagvinnunnar.

Stytting vinnuvikunnar er langþráður áfangi sem náðist í síðustu samningum og því mikilvægt að vel takist til í þeirri vinnu. Vel var hugað að sóttvörnum, m.a með því að takmarka fjölda á hvert námskeið þannig að hægt væri að tryggja 2 metra bil á milli fólks, andlitsgrímur voru aðgengilegar og spritt. Þeir sem ekki treystu sér á slík mannamót gátu tekið þátt í fjarfundi. 

Námsstofan samanstóð af eftirfarandi þáttum:

  • Lífsgæði = Breytt samfélag, tímamótasamningar
    • 36 klst vinnuvika
    • Aðskilja heimili og vinnu
    • Hlutverk og staða trúnaðarmanns
  • Fylgiskjal I og II
    • Vinnutímahópur
    • Hvernig á að skipa fulltrúa? (könnun/kosning)
    • Greining vinnustaðar = hvernig næst markmiðið um 36 stunda vinnutíma? – dæmi
  • Næstu skref
    • 1. október 2020
    • 1. janúar 2021

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)