Velferðarkerfið hefur brugðist

Kristín Heba Gísladóttir, framkvæmdastýra Vörðu – Rannsóknarstofnun vinnumarkaðarins, skrifar grein í nýjasta tölublaði Sameykis um lífskilyrði launafólks hér á landi. Þar segir hún að niðurstöður rannsókna stofnunarinnar sýna að velferðakerfið á Íslandi stendur á brauðfótum. Vegna þess að ríkisstjórnin hefur markvisst skorið niður fé til stuðningskerfanna undanfarin ár vex fátækt í landinu. Fjórðungur einstæðra foreldra á vinnumamarkaði getur ekki mætt óvæntum útgjöldum og í könnunum Vörðu sést greinilega að hæst er hlutfall einhleypra foreldra sem býr við slæma andlega heilsu.

Þá segir hún að niðurstöður rannsókna Vörðu hafa ítrekað sýnt að þau velferðar- og stuðningskerfi sem ætlað er að gera fólki kleift að sjá fyrir sér og börnum sínum óháð hjúskaparstöðu hafa brugðist. Sá hópur sem ber þyngstu byrðarnar af því eru börn einhleypra foreldra. Hærra hlutfall barna einhleypra foreldra býr ekki við sömu lífskjör og börn sambúðarfólks.

„Auk þess getur fjórðungur einhleypra foreldra á vinnumarkaði og tæplega helmingur einhleypra foreldra á örorkulífeyri, endurhæfingarlífeyri og örorkustyrk ekki greitt kostnað vegna félagslífs barna sinna til dæmis að fara í afmæli, í bíó eða aðra afþreyingu með vinum. Í rannsókn Vörðu um samræmingu fjölskyldu- og atvinnulífs kom fram að um þriðjungur einhleypra foreldra hafði ekki efni á sumarnámskeiðum eða sumarbúðum fyrir börnin sín,“ skrifar Kristín Heba.

Lesa má grein Kristínu Hebu hér.