Kjaraviðræðum við Reykjavíkurborg vísað til ríkissáttasemjara

Sameyki stéttarfélag í almannaþjónustu og samninganefnd þess ákvað á fundi sínum í dag að vísa viðræðum um endurnýjun kjarasamninga Sameykis og Reykjavíkurborgar til ríkissáttasemjara.

Samningsaðilar hafa fundað í kjaradeilunni síðan 7. febrúar og telja fulltrúar samninganefndar Sameykis fullreynt að ná samkomulagi milli aðila án milligöngu ríkissáttasemjara.

Sameyki lagði fram kröfugerð í febrúar síðastliðnum. Félagsfólk sem samið verður fyrir telur um 5100 sem starfa hjá Reykjavíkurborg.