Grettisgötu 89
105 Reykjavik
Ísland

525-8330
sameyki@sameyki.is
6202690-3449

Stjórnun

Stjórnun vegur þyngst í heildarmatinu á stofnun ársins. Þátturinn er byggður á 10 spurningum eins og til dæmis hvort starfsfólk beri traust til stjórnenda, hvort það fái stuðning frá yfirmanni og telji hana eða hann koma fram af sanngirni. Nærri átta af hverjum tíu gefa stjórnun „góða“ einkunn, það er, einkunn á bilinu 3,5 til 5,0. Þar af gefa rúmlega 40% „mjög góða“ einkunn, það er einkunn á bilinu 4,5 til 5,0. Meðaleinkunnin sem starfsfólk gefur stjórnendum vinnustaðarins er 4,03 á kvarðanum 1-5 og breytist ekki frá því í fyrra. Starfsfólk sveitarfélaga gefur stjórnun nokkuð hærri einkunn en starfsfólk hjá fyrirtækjum borgarinnar, ríkisstofnunum og sjálfseignarstofnunum. Þá gefa konur örlítið hærri einkunn en karlar. Yngra fólk gefur hærri einkunn en þeir sem eru eldri. Stjórnendur og starfsfólk í sölu- eða afgreiðslustörfum gefa hærri einkunn en annað starfsfólk og starfsfólk minni stofnana gefur almennt hærri einkunn en starfsfólk stærri stofnana.

Flestir bera fullt traust til stjórnenda
Ein spurning í þættinum lýtur að því hvort fólk beri traust til stjórnenda sinnar stofnunar. Niðurstöður sýna að rúmlega 70% svarenda eru sammála því að þeir beri fullt traust til stjórnenda.

Mynd 10. Ég ber fullt traust til stjórnenda stofnunarinnar. Allir svarendur, ríki og sjálfseignarstofnanir, sveitarfélög og fyrirtæki borgarinnar.

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)