Fulltrúaráð Sameykis er skipað stjórn félagsins, formönnum sjóða félagsins og 90 fulltrúum sem kosnir eru af trúnaðarmannaráði á fyrsta trúnaðarmannaráðsfundi að hausti eftir kosningu á oddatöluári. Við kosningu fulltrúa í fulltrúaráð skal tryggt að lágmarki séu tveir fulltrúar frá eftirtöldum landshlutum: Vesturlandi, Vestfjörðum, Norðurlandi vestra, Norðurandi eystra, Austurlandi, Suðurlandi og Reykjanesi. Einnig skal vera tryggt að eftirtaldar kjarasamningseiningar eigi að lágmarki tiltekinn fjölda fulltrúa í ráðinu, kjarasamningur ríkisins /sjálfeignarstofnanir, kjarasamningur sveitarfélaganna / sjálfseignarstofnanir, og kjarasamningur SA og annarra sem félagið gerir kjarasamning við.
Listi yfir fulltrúaráð Sameykis 2021-2023 er hér. Fulltrúaráðið var kosið á fundi trúnaðarmannaráðs 14. septenber 2021.
Formaður Sameykis er formaður fulltrúaráðs.
Fulltrúaráðið vinnur að stefnumótun fyrir félagið í samráði við stjórn og annast undirbúning fyrir aðalfund félagsins, þar á meðal kýs fulltrúaráðið uppstillingarnefnd og laganefnd þagar það á við. Á fundum fulltrúaráðs skal m.a. gerð grein fyrir fjárhagsstöðu sjóða félagsins og lögð fram skýrsla yfir starfsemina einu sinni á ári. Fulltrúaráð skal ákveða hvaða fastanefndir skulu starfa og setja þeim reglur og kjósa í þær. Fulltrúaráð getur einnig stofnað aðrar nefndir eða vinnuhópa innan félagsins í kringum sérstök verkefni. Fulltrúaráð skal fjalla um kjara- og réttindamál og annast undirbúning kjarasamninga.
Reglur um kosningu til fulltrúaráðs