Merki Sameykis á smærri skjá

Grettisgötu 89
105 Reykjavik
Ísland

525-8330
sameyki@sameyki.is
6202690-3449

Framboð í fulltrúaráð

Kosið verður í fulltrúaráð Sameykis á fundi trúnaðarmannaráðs 14. september 2021. Framboði má skila til uppstillingarnefndar frá og með 18. ágúst til og með 31. ágúst.

Auglýst er eftir framboðum meðal trúnaðarmanna í fulltrúaráð Sameykis. Kosið verður í fulltrúaráð Sameykis á fundi trúnaðarmannaráðs sem verður haldinn 14. september 2021. Allir trúnaðarmenn sem hafa áhuga á að taka frekari þátt í starfi Sameykis og mótun stefnu félagsins eru hvattir til að bjóða sig fram í fulltrúaráð, bæði reynslumiklir trúnaðarmenn og nýkjörnir.

Hlutverk fulltrúaráðs

Fulltrúaráð skal vinna að stefnumótun fyrir félagið í samráði við stjórn og annast undirbúning fyrir aðalfund félagsins, þar á meðal að kjósa uppstillingarnefnd og laganefnd þegar það á við. Á fundum fulltrúaráðs skal m.a. gerð grein fyrir fjárhagsstöðu sjóða félagsins og lögð fram skýrsla yfir starfsemina einu sinni á ári. Fulltrúaráð skal ákveða hvaða fastanefndir skulu starfa og setja þeim reglur og kjósa í þær. Fulltrúaráð getur einnig stofnað aðrar nefndir eða vinnuhópa innan félagsins í kringum sérstök verkefni. Fulltrúaráð skal fjalla um kjara- og réttindamál og annast undirbúning kjarasamninga.

Gert er ráð fyrir að fulltrúaráð hittist reglulega yfir vetrartímann.

Stjórn Sameykis skipaði uppstillingarnefnd sem undirbýr kjör fulltrúaráðs og stillir upp til ráðsins samkvæmt reglum um kosningar til fulltrúaráðs. Eftirtaldir voru skipaðir í nefndina úr stjórn félagsins; Kári Sigurðsson, Rut Ragnarsdóttir og Svanhildur Steinarsdóttir.

Framboðsfrestur er frá og með 18. ágúst og til og með 31. ágúst. Allar nánari upplýsingar gefur Kristín Erna Arnardóttir, kristin@sameyki.is.

Senda inn framboð 

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)