Grettisgötu 89
105 Reykjavik
Ísland

525-8330
sameyki@sameyki.is
6202690-3449

Stofnun ársins 2021

Val á Stofnun ársins, Fyrirmyndarstofnunum og Hástökkvara ársins byggir á mati starfsmanna og eru niðurstöðurnar mælikvarði á frammistöðu stofnana þegar kemur að stjórnun, starfsanda, launakjörum, vinnuskilyrðum, sveigjanleika og sjálfstæði í starfi, ímynd stofnana og jafnrétti.

Halda áfram

Könnunin er unnin af Gallup og er samstarfsverkefni Sameykis, fjármála- og efnahagsráðuneytisins og fjölmargra stofnana og nær til um 25.000 manns á opinberum vinnumarkaði. Könnunin nær til alls starfsfólks, en þó er almennt miðað við að starfsfólk hafi starfað á vinnustaðnum í þrjá mánuði eða lengur, þ.e. hófu störf í ágúst 2021 eða fyrr. Það viðmið er notað svo svarendur geti metið starfsumhverfi sitt með áreiðanlegum hætti. Einnig er í flestum tilvikum miðað við a.m.k. 30% starfshlutfall.

Meðalsvartími er um 12 mínútur. Hægt er að gera hlé með því að loka könnuninni og svo getur þú haldið áfram að svara þegar þér hentar. Til að halda áfram að svara er einfaldlega smellt aftur á slóðina á könnunina sem er í tölvupósti.

Tilgangur könnunarinnar er í fyrsta lagi að velja Stofnun ársins og gefa þannig þeim stofnunum viðurkenningu sem skara fram úr í mannauðsmálum. Í öðru lagi að veita stjórnendum upplýsingar um hvað er vel gert og hvað megi bæta frá sjónarhóli starfsfólksins og þannig gera stjórnendum kleift að vinna að umbótum á starfsumhverfi vinnustaðarins.

Þú hefur allt að vinna
Könnunin gefur okkur mikilvægar upplýsingar um starfsánægju og samanburð sem nýtist bæði starfsfólki, stjórnendum og stéttarfélaginu. Auk þess geta allir þeir sem klára könnunina unnið veglegan vinning því þeir sem klára fara sjálfkrafa í happdrættispott og úr honum eru síðan dregnir 12 vinningar. Í verðlaun eru m.a. 60 þúsund króna gjafabréf frá Icelandair, miðar á Airwaves, helgardvöl í orlofshúsum félagsins og vikudvöl í orlofshúsum félagsins á Spáni.

 

Svara könnun í gegnum Mínar síður

 

Niðurstöður úr Stofnun ársins 2020 má nálgast hér.

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)